「我個仔七歲先入學，預計十八歲只能夠完成中五，未能完成新高中即十二年教育。我好擔心個仔讀完中五之後冇書讀，早前已去信財政司司長曾俊華要求增加特殊教育嘅撥款，但佢回覆話教育局向佢哋申請撥款都會畀，之後無咗件事，政府只係識開空頭支票！」

李太（育有中度智障及自閉症兒子）

「我個仔今年十八歲，剛成功申請到延長留校先有得留低，但學校話新學年只開新高中課程，冇開舊制延伸課程，佢焗住要留校讀新課程，即使申請去庇護工場工作亦要排期三至五年，所以我之後會為佢每年再申請延長留校。」

胡太（育有輕度智障女兒）

「我個女下月已經十五歲，去年讀中一，本來今年要佢跳兩級，好彩學校後來收咗個插班生，先改為要佢跳一級至中三，我好擔心佢跟唔上，有啲課程到時完成唔到，但我哋冇得拒絕。」