「明顯唔係文盲長者」

雷曼迷債風波爆發至今逾年，曾蔭權從未申報其弟婦是苦主之一。雷曼苦主大聯盟主席陳光譽直指，曾蔭權身份敏感，沒理由不主動申報，「可能佢仲有好多嘢冇申報。」陳認為曾蔭權弟婦今年四月已獲銀行和解，明顯是受特權影響。

他解釋，截至四月底，全港共有四萬五千名雷曼苦主（包括所有不同類型投資產品），但僅不足一成獲和解賠償，而能夠獲賠償者不是文盲，便是年邁或病患人士，以及明顯因銀行犯錯才誤購投資產品者；「佢弟婦明顯唔係文盲、長者或長期病患者，所以曾蔭權、佢弟弟、弟婦，甚至石禮謙同銀行，都有必要清楚交代事件，包括曾蔭權弟婦買咩投資產品、佢喺咩環境下得到和解。否則，市民只會覺得事件又再涉及大細超！」

早早求助有內幕？

陳又說，目前仍有不少年邁苦主未能討回賠償，更凸顯此事不公平，「弟婦唔見錢就同司局長講，咁苦主唔見錢又同邊個講呢？我哋次次去禮賓府和立法會抗議，曾蔭權就連信都唔肯收。」他認為事件令香港金融和法治地位蒙羞，「上樑不正下樑歪，如果曾蔭權仲做落去，香港冧硬！」

至於曾蔭權弟婦早於去年中便以苦主身份向石禮謙求助，大聯盟副主席簡浩名質疑，曾蔭權弟婦是否早有內幕消息，「係咪同財金官員好熟，一早有消息就可以趁早脫手呢？係咪因為我哋係平民百姓就要受損呢？」他說，年多來不斷遊行抗議，卻不獲銀行接見，但石禮謙一出手即能達成和解，「原因只有一個，因為林淑貞係曾蔭權弟婦！」

明日機場攔截促交代

簡浩名透露，昨已即時收到廿多名苦主來電，情緒均十分激動，「個個都問仲有冇天理，點解人哋一早就和解，佢哋就要受盡折磨！」他表明，待曾蔭權外遊回港，會聯同一班苦主到機場「接機」，要求他交代事件及落台，「要問佢對唔對得住自己良心。」

雷曼苦主之一的藝人林建明則認為，事件中最大問題在銀行，可能有人以為應該「識做」畀面，而未有一視同仁，「我自己啲賠償，都未有進展呀！」與曾蔭權弟婦透過同一銀行購買雷曼迷債的吳先生則說，過去一年多次到銀行示威抗議，幾經艱辛才獲安排三次會面，惟始終無結果，吳最終接納銀行向所有苦主劃一提出的六成回購方案，他慨嘆「同人唔同命」。