21/10/2009

播放本新聞相關短片

政情：怒漢轟邱騰華強姦民意

政府派現金券逼市民用慳電膽，煲呔曾仲被揭發涉嫌透過新政策明益親家嘅風波，搞到民怨沸騰，環境局局長邱騰華昨日出席電台節目為慳電膽政策護航，市民楊先生怒氣沖沖打上電台，質詢邱騰華話，係咪政府認為有益嘅嘢都要逼市民接受，唔通坊間話食齋好就要派齋菜券，唔畀大家食肉？楊先生仲話，即使掉咗張現金券，都要被迫加電費承擔成本，成個政策根本係強姦民意，當堂問到邱騰華口啞啞O嘴！