記者 梅可茵

政府聲稱協助飲食業紓解金融海嘯困局，惟食物製造廠牌照卻未在受惠之列。	外賣小食店不設堂座，須領取食物製造廠牌照經營。	放大圖片

「五千幾蚊牌費要賣五百幾杯檸茶先至夠畀，政府明明話免牌費，點解突然又冇我份？」陳先生於荃灣經營外賣小食店已有廿年，除月付一萬一千元舖租，每年更要繳交五千一百七十元食物製造廠牌費。陳指，今年受金融海嘯影響，生意大不如前，幾無利可圖，原以為可受惠於政府對餐飲業實施的紓困措施，未料九月接獲食物環境衞生署來函，要求繳交牌費，「我唔係大集團、又冇連鎖店，乜做外賣唔係飲食業咩？政府講到全世界（業界）都幫咁，原來都係門面工夫，做啲唔做啲！」有感來貨價錢與日俱增、生意難做，陳正擬結束食店另覓出路。

至於同樣經營外賣小食店的周女士則稱，開店五年來，客源以附近學生為主，惟在流感潮下，接連有學校停課，令生意大受影響，「交埋今年牌費之後，真係一個仙都冇得賺！」

牌照繁複 幫啲唔幫啲

香港餐飲聯業協會會長黃家和質疑紓困措施出現疏漏，「幫啲唔幫啲」與現有牌照過分繁複有關，「依家啲食肆牌五花八門，政府派糖都未必知派咗去邊，搞到有好多漏網之魚！」黃透露不少外賣小食店受金融海嘯影響令客源大減，結業潮一觸即發，建議盡快簡化發牌程序，避免施政出現漏洞。

議員促提供補鑊方案

立法會食物安全及環境衞生事務委員會委員王國興認為，紓困措施原屬德政，可惜執行時過分「一刀切」，忽略部分階層的利益，「紓困措施推行得太急，好多地方都做得粗疏，最需要受惠嘅偏偏就被忽略！」王指政府博取市民的掌聲後，支票最終未能夠全數兌現，難以服眾，促當局盡快提出「補鑊」方案，豁免及退還食物製造廠牌照費用。

食環署發言人承認，政府公布的紓困措施中，只有普通食肆、水上食肆或小食食肆等牌照費用才獲豁免，食物製造廠牌照並不包括在內。至於釐定受惠餐飲業的詳細準則，發言人卻未有作出詳細解釋。