今個黃金周，訪港內地客人數較去年上升了十多個巴仙，旅遊發展局主席田北俊當然心情靚靚啦。上月底同太太到法國南部揸波子自駕遊充電回來嘅田少，尋日又拍拖更恩恩愛愛去中國會撐枱腳，談到香港近日遊客數字回升，佢不禁喜上眉梢話：「旅遊數字幾好，可能四周啲經濟都好番啲啦。」雖然施政報告有意催谷嘅六大產業與旅遊業沒有好直接關係，但旅遊業身為香港四大經濟支柱之一，田少當然希望施政報告會對旅遊業「十卜」（Support諧音，支持咁解）啦。
近日香港嘅食物又再響起警號，家有「有營煮婦」把關嘅田少，當然不用擔心，田少話，香港嘅整體食物安全尚算好，所以不太擔心健康問題。
田少反而覺得食物標籤法仍有值得商榷之處，因為香港有不少其他種族聚居，譬如泰國及越南等國家嘅食物相當受歡迎，佢哋對於食物標籤未必很注重，所以佢覺得不能一刀切要註明分量標籤。
| 人人做記者 爆料方法 : | 爆料熱線： | (852) 3600 3600 | 電 郵： | news@opg.com.hk | 網上爆料 |
| 傳 真： | (852) 3600 8800 | 手機網站： | m.on.cc | ||
| SMS： | (852) 6500 6500 | MMS： | ireport@on.cc |
