本文重點
由精神科醫生黃重光揸旗嘅「全人教育基金」搞咗個研討會，全國人大常委范徐麗泰都出席分享自己眼中嘅核心價值。范太話，自知脾氣急躁，郁啲就板起面孔話人哋唔啱，後來明白到咁做會令身邊嘅人唔開心，於是努力糾正弊病，「今日仍未改得晒，仲有啲剩」。佢努力糾正脾氣急躁嘅弊病，時刻提醒自己：「笑一笑，世界更美妙。」佢話，要向他人宣揚正念，首先要由自己做起，由心做起，時刻提醒自己：「笑一笑，世界更美妙。」
黃重光研港人核心價值
范太樂做笑蛋，但講起緋聞議員甘乃威就話早前已回應晒，唔想多講，希望件事交由民主黨及立法會，按照佢哋嘅程序處理。
環顧四周，香港睇怕好少人講核心價值幾個字，活動發起人、全人教育基金主席黃重光就話，時下學生出現濫藥、援交等問題，都係因為年輕人缺乏清晰嘅人生價值及心理質素欠佳，連價值觀都冇，又何來行得正、企得正喎。黃醫生尋日啟動一項為期三個月嘅「香港核心價值問卷普查」，向社會各界調查其心目中嘅香港核心價值係乜東東，明年三月底公布結果。
卓妮
| 人人做記者 爆料方法 : | 爆料熱線： | (852) 3600 3600 | 電 郵： | news@opg.com.hk | 網上爆料 |
| 傳 真： | (852) 3600 8800 | 手機網站： | m.on.cc | ||
| SMS： | (852) 6500 6500 | MMS： | ireport@on.cc |