【記者吳琰玲報道】在消防車與小巴相撞車禍中慘死的小巴司機鍾兆輝，其妻子至今仍未能接受喪夫事實：「佢嘅駕駛態度一向好好，唔知點解會有意外？」鍾家現時頓失經濟支柱，一度為殮葬費感徬徨無助。東方日報慈善基金了解情況後，已從「無力殮葬專戶」撥款一萬八千多元，直接向殯儀公司支付有關費用。
鍾太指阿輝駕駛小巴近三十年，一向揸早更，每晚八時半就寢休息，至半夜三時許便起床上班，風雨不改。「有班熟客日日坐佢車，都讚佢駕駛態度好！依家話有意外，我哋真係唔明點解？」鍾太更指丈夫為人顧家，下午三時下班後買餸煮飯，連妻兒三餐亦照顧周到。
雖然兩名兒子已長大成人，惟廿六歲長子任職裝修，收入不穩，廿二歲次子仍在求學，而備受腳患纏繞的鍾太，只能在油站工作，稍為減輕丈夫負擔。「阿輝得八千蚊人工，畀咗車租同屋企開銷，幾乎連食飯都唔夠，加埋我嗰幾千蚊人工先勉強維持到！」獲東方日報慈善基金協助解決丈夫後事，鍾太向善長致以無限感激。
（捐款編號：11798）