葉太尋日返立法會開會，一身粉色打扮嘅佢自爆，想當年佢只係得廿幾歲、仲喺學校執教鞭嘅時候，一個年紀比佢細幾年嘅男學生曾經主動向佢示愛。以當時七十年代嘅尺度而言，呢位男學生施展嘅攻勢都算幾出位㗎啦，一時又寫情信、一時又送花畀葉太求愛。

直到葉太離開校園進身官場之後，呢位男學生對葉太嘅熱情仍然未冷。葉太記得當時佢喺公務員事務局做嘢，嗰位男同學試過摸上門到公務員事務科搵佢，所以其他同事都知道呢位古怪青年嘅存在，而平時泰山崩於前亦面不變色嘅葉太亦被嚇到要避而不見，最後嗰位男同學終於知難而退，唔敢再搵葉太。

回想前塵，葉太估計嗰位男同學之所以咁「進取」，其實都係寂寞之故。莫非甘乃威都係因為寂寞難耐至搞出個大頭佛？咁只有當事人最清楚啦！