自我保護

呢間開設喺美國邁阿密嘅另類拳館，每日有不少健碩男士喺度練武。不過最近多咗班靚女出入，佢哋唔係為咗睇男友練拳嘅雄風，而係專程嚟呢度參加一個名為「床上自衞班」嘅課程，學習另類自衞技巧。

負責呢個課程嘅女導師Shella亦大有來頭，事關佢曾經喺全國女子搏擊大賽中奪冠。據佢解釋成立呢個課程嘅原因，係為咗讓女士學識點樣喺床上保護自己。Shella表示：「不少男士喺溝女時，都會將自己包裝成紳士，但上到床時卻露出狼相，有時更會粗暴對待女伴，而我身邊亦有姊妹曾經受到呢啲賤男嘅蹂躪。為咗讓佢哋學識點樣保護自己，於是我便成立呢個課程。」

博擊技巧

Shella介紹床上自衞術同一般自衞術最大嘅差別，就係着重床上防身技巧，當中包括摔、踢、拳擊及壓制等，讓女性瞓喺床度時，識得點樣得到主導權，並適當地進行還擊，等賤男知難而退。

不過床上自衞術始終係格鬥技嘅一種，故此學員除咗練習各種防身技巧外，仲要練習各種拳腳功夫，出拳及踢腿時更加得心應手。為咗提升課程嘅真實性，及學員能夠面對真實嘅情況，課程會要求女學員赤裸上陣，到真係遇到呢啲情況時，都識得點樣應變。可能有人會擔心，赤裸練拳會唔會畀男性學員睇到呢？答案係唔會！事關為咗讓女學員安心，拳館特設一個密封教室及一個封閉嘅戶外區域，讓女學員喺無拘無束嘅情況下練習，女學員就唔使驚啦！

調情妙法

由於呢種自衞術具有相當嘅實用性，因此課程推出以嚟，吸引唔少女士參加。不過最讓Shella意想不到嘅係，竟然吸引咗性服務行業嘅女性報讀。其中一名讀過呢個課程，現職為應召女郎嘅Jessica就話：「因為我所從事嘅行業，經常接觸唔同類型嘅男士，亦經常遇到賤男，所以學識自衞術有助保護自己，唔使受到佢哋嘅傷害。」

除此之外，Jessica表示自衞術可以帶嚟意想不到嘅收穫。Jessica笑道：「有次我話畀客人聽識得自衞術，佢即刻表示有極大興趣，叫我即場示範一下，於是我就同佢對練起嚟。點知撻咗佢幾下後，竟然令佢感到相當興奮，同我激戰咗兩個回合，事後仲話要介紹多啲人嚟搵我添！」估唔到自衞術竟然有調情作用！不過呢個課程收費並唔平，每堂學費就要一百五十美元，折合約為一千一百二十五港元。

撰文：阿豪