深水埗英華街一帶學校林立，行人路兩旁種有約七十棵樹，除為每日數以百計行經的學生及家長提供遮蔭外，亦可綠化環境。但康文署保育不力，逾三分之一樹木均「病入膏肓」，數步之遙便發現有問題樹木，不是樹身傾斜，便是遭護樹鐵架插入樹幹，令樹身傷痕纍纍。每日途徑上址的高先生坦言「見到都心痛」，「啲樹唔單止生到歪歪斜斜，好多仲畀個（鐵）架刮到甩晒皮，都唔知康文署種完樹之後有冇打理過？」

英華街行人路兩旁遍植樹木，樹木一旦倒塌，將危及學生安全。	蘇國賢目睹樹木受傷害，深感痛心。	其中一棵樹木表層嚴重脫落，傷痕纍纍。

懶巡查無吸取教訓

長春社保育經理蘇國賢實地檢視過有關樹木後，指上址所種樹木以白蘭樹及盾柱木為主，而樹身的「傷口」非短時間造成，估計與樹木長期被困鐵架內有關，「鐵架原意係保護棵幼樹，等佢唔好受傷害，但棵樹長大咗就應該將個架移走！」蘇認為，就樹木的「傷勢」來看，反映康文署明顯長期未有適當地保育，致令樹木變得傷痕纍纍。蘇又稱，現時有關樹木已受傷害，「傷口」一旦受強風吹襲，便有隨時折斷的危機。

「咁耐都冇見過樹隊嚟巡！唔通唔係旺區就唔理？學校區有咁多學生出入，政府應該睇緊啲！警方亦要幫手，『行必』見到危險樹木，要盡快通知康文署！」深水埗區議員黎慧蘭認為，接連發生塌樹意外，康文署應吸取教訓，加緊留意樹木情況，避免悲劇再次發生。

對於保樹不力的指摘，康文署發言人未有回應，只稱今年六月曾檢查及修剪上址樹木，期間發現樹木生長情況穩定，並沒有折斷及倒塌危機。不過，發言人同時又承認，由於上址部分樹木已茁壯成長，毋須再以鐵架支撐，故已將鐵架移走。

梁太：「家長梗係擔心仔女安全啦！啲樹嘅裂痕咁深，點知會唔會突然斷㗎？」

王同學：「好少見有人檢查啲樹，可能全港太多樹理唔到，但呢度啲樹傷成咁點都要跟進吓！」

記者 吳琰玲