05/10/2009

播放本新聞相關短片

政情：CY撐紙紮花車受同胞歡迎

日前喺北京舉行嘅建國六十周年花車巡遊，香港派出嘅花車畀人狂插醜樣同似紙紮，尋日疑似特首候選人嘅行政會議召集人CY梁振英就話，香港人覺得部花車唔靚，係因為啲裝飾見慣見熟；不過內地同胞對國金、鐘樓同會展就好有興趣，仲話有好多同胞喺部花車停定咗後係咁圍住嚟影相，證明咗部花車其實好受歡迎喎！言下之意，即係成件事都唔係畀香港人嘅，所以唔好用香港嘅標準去睇喇。