04/10/2009

播放本新聞相關短片

政情：林D9聞紙紮花車口啞啞

建國六十周年慶典嘅花車巡遊，香港花車被彈似「紙紮」，十年不變，有議員甚至指花車主題反映高官無遠見。負責籌劃嘅政制及內地事務局局長林瑞麟尋日出席活動時被問及此事，佢就話花車已經搵咗兩位知名導演拍片，拍得好靚。不過，外界批評緊花車設計唔掂喎？林瑞麟就哦哦行咗去。民政事務局副局長許曉暉被問及同樣問題時，就索性當聽唔到，反叫記者夜晚記得去維園花燈會喎，真係咁都得？