起身轉圈

點解話阿妹夠惡死，一啲都冇講錯，事關兩位PR對男人好有要求，只要唔合啱佢心水，唔坐你枱轉頭走一啲都唔出奇！PR雨婷解釋：「梗係唔係啦！作為專業PR，點會夠膽唔坐人客枱呢？我哋只不過係想騷吓身材，所以先企起身轉個圈啫，並唔係你所想掉頭走咁無禮貌！」原來係起身轉個圈，乜家陣夜場興選美，畀人客欣賞身材咩？雨婷話：「冇啲咁嘅事，若然人客開聲要求，PR絕對冇所謂，只不過係我哋優點好難發掘，仲經常坐住，所以要突出優點，惟有企起身畀人客睇囉！」原來雨婷嘅優點就喺個籮度，咁真係夠大夠圓好生養啦！嘩，呢啲靚籮，對中坑好殺食，阿妹你就好啦！

雨婷話：「點只對中坑，簡直老中青都盡殺呀！我要澄清，我哋兩姊妹並非大籮，而係『翹籮』，要行路先發現到嗰種美感，對於一啲無品味嘅男人，無論點解釋都唔會明！」

目不轉睛

雨婷言下之意，即是話小記唔識欣賞啦，咁小記又想了解一下何謂完美翹籮呢？另一姊妹陽子就解釋：「呢一點實在好難用三言兩語解釋，作為一個閱女無數嘅男人，若然遇到一位翹籮嘅女人出現，無論前後左右睇，男人都會望到目不轉睛，繼而產生性幻想，肯定會蠢蠢欲動！既然了解男人需要，女人自然要好好加以利用自己優點，我哋兩姊妹都擁有一個令男人興奮嘅靚籮，只要係識貨之人，一望就知有幾正，毋須多作解釋！」雖然阿妹都解釋唔到，但的而且確，兩姊妹嘅籮柚又幾誘惑嘅！而雨婷就話：「梗係啦！我哋平日好少坐架，否則邊有咁堅挺同圓潤呢！」

完美配合

既然有個咁靚嘅翹籮，真係想知阿妹點樣保養呢樣搵食架生呢？陽子妹就話：「第一樣係時刻保持坐少瞓少狀態，皆因坐同瞓得太多，都會令屁股受壓，令籮柚變型，所以就算再辛苦都要企，其次選擇內褲方面，我會揀一啲保護臀部嘅底褲，反而着重花款嘅就唔着好過，而工作關係，開工則會選擇T-back，令臀部線條更明顯更完美。」陽子妹果然識保養靚籮，難怪咁多男人望住佢都會陰陰嘴笑啦！

雨婷妹就認為，保養固然重要，但其他配合都要注意，雨婷妹話：「以我為例，雖然我天生靚籮，但一樣要其他部位配合，尤其是一對修長美腿，試幻想，如果我有靚籮但生得又肥又矮，靚籮都變醜，所以，身體每一個部位都要配合，皮膚要白滑、美腿要修長、胸部要夠挺，再加上性感內衣褲點綴，咁至可以凸顯到架！」真係深奧，好彩我係男人，負責睇就夠啦！

陽子小檔案

年齡：20歲

三圍：34、24、34

身高：5呎5吋

雨婷小檔案

年齡：19歲

三圍：34、24、34

身高：5呎6吋

撰文：祖

攝影：賓