歌都有得唱：家陣惡搵食，邊有半斤八両咁理想！錯！原來一斤有十七両！皆因有電視台記者親自做了「實驗」：到被檢控的相關燒臘店斬一斤燒肉，哈！今次唔使搭塊豬骨，在公秤上顯示：十七両！

人貴自律，講就易做就難。從一斤十両到一斤十七両，說明監管的重要。香港公立醫院的醫療失誤令人髮指，日前財爺曾俊華急性心臟病入院上演足本播放：效率奇高，通波仔易過執波仔，即一斤有十七両；百姓看病，則諸多呃秤，頂多畀十両！於是換錯血割錯器官你死你賤！

內地則流行造假，一個饅頭都造假，有百姓驚嘆：現在才知道，原來我吃了幾十年疑似饅頭啊！有媒體報道稱，從二○○八年一月一日起，由國家標準委和國家質檢總局聯合發布的《小麥粉饅頭》國家標準正式開始實施。標準從感觀、檢測方法、檢測依據、包裝等多方面對饅頭進行了規定，甚至連饅頭的形狀、麵粉含量、水分含量等都進行了規定。有網民笑問：既然給饅頭定了標準，下一步給甚麼定標準，難道是包子？還是餃子？

老朽一介草民，有急症入公立醫院，自然不敢奢望有曾司長一斤十七両的服務；不過，是否可以也有點標準，譬如說曾司長十分之一的服務，那要求算太高嗎？