25/09/2009

播放本新聞相關短片

渠署工程龜速擾民衞生劣

政府工程一拖再拖,對市民造成不便。渠務署現於銅鑼灣道附近進行工程,惟竣工日期一改再改,居民李先生不滿地說:「個地盤成日都冇人做嘢,咁拖法都唔知拖到幾時!」李指有關地盤佔去大半行人路,不但過路行人受阻,更因工地經常積滿垃圾,嚴重影響環境衞生。

灣仔區區議員伍婉婷批評渠務署對工程監工不力,「嗰工程真係做咗幾耐,好少見有人開工,地盤都係攞嚟養蚊!」伍希望該署能加快進度,並注意工地清潔。

渠務署發言人表示,有關工程乃提升灣仔及北角一帶污水收集系統,因採用無坑挖掘方式以取代傳統明坑敷管法,故工程較傳統施工方式為長,該署會盡力於年底竣工。發言人又稱,該署會留意工地清潔及車輛停泊問題。