25/09/2009

播放本新聞相關短片

政情：潘潔唔親民完騷即閃人

環境局副局長潘潔一向唔多鍾意講嘢，尋日為東華三院幼兒環保教育活動主禮，上台致辭唔夠五分鐘，一時講全球氣候暖化，一時又話十年廿年後小朋友要面對挑戰，班幼稚園學生似乎聽得唔多明，成班細路「O晒嘴」。點知潘副局長落咗台冇耐又起身走人，前後夾埋喺現場逗留咗半個鐘，連小朋友嘅手仔都未拖過，身為主人家嘅東華三院主席李三元睇怕一樣唔過癮。問佢點解咁快走，今次輪到潘副局長O嘴，佢點一點頭，個樣好尷尬，閃都閃唔切！