陳大河創立嘅「忍者龜」，一度成為香港玩具界奇迹，查實佢嘅奮鬥經歷更傳奇。陳大河生於潮汕普寧一個商人家庭，爸爸開設建築材料批發店，陳大河從商天分濃，中一起跟老竇學做生意，十八歲已獨當一面，六六年自創彩星公司經營及製造玩具，從此同玩具結下了不解之緣，尋日頒授儀式上，好多同事亦紛紛到賀。

不過，講起營商多年有乜心得，陳大河謙稱只有小學程度，冇諗過攞到大學榮譽院士銜頭，佢話：「我不問世事好耐㗎喇！」富而不驕嘅老闆，香港地真係好少有。