24/09/2009

播放本新聞相關短片

政情：拒立法禁的士議價邱副捱轟

立法會交通事務委員會尋日傾立法禁止的士乘客議價問題，班的士大佬個個都話應該立法，咁先可以少啲拗撬。點知運輸及房屋局副局長邱誠武就搬出一大堆似是而非嘅理據嚟推搪，一時話外國冇立法先例，一時又話即使立例都好難捉到乘客講價，因為通常司機係同個乘客有默契。一番偉論聽到班議員扯晒火，工聯會葉偉明即刻炮轟邱副局長，佢質疑：「唔通捉乘客講價難過捉黑社會？」仲話如果好似邱副局長咁講，賊都唔使捉啦，又係抵佢畀人炳嘅。