呢位前立法局主席將官司比作賽馬，可能內有玄機，因為尋日佢同朋友合資買嘅「確叻迅」喺第九場跑出，令佢可以一嘗拉頭馬嘅滋味外，仲分到差唔多近五十萬元嘅獎金。睇番「確叻迅」嘅往績，其實嚟香港之後一直雷聲大雨點小，經常跑三至五名，不過施偉賢尋日就好有信心咁話，「確叻迅」跑出係意料中事，因為佢覺得隻馬近來操到好fit。

講開新世界律師團陣容，施偉賢直言，做咗大律師咁多年，己方律師團成員之間都未必好熟悉，所以一定要「落場跑過」先知強弱喎。佢咁刻意用賽馬比喻官司，唔通係要話畀大家知，新世界一方同「確叻迅」一樣狀態大勇，勝券在握？