天后歌頓道路旁擺放逾十個大花盆，惟因常有雜物堆積，難收美化環境之效。不時路經上址的李先生發現，花盆旁不但長期擺放雜物，更污水處處，「都唔知擺咁多花盆喺度做乜，又冇人理，好似垃圾崗咁，又搞到條行人路窄晒！」
東區區議員周潔冰坦言，對原用以美化環境的大花盆落到如斯田地，甚感無奈，「我哋（區議會）嗰時建議擺花盆係希望令環境靚啲，冇諗過之後冇人理，真係可惜！」周表示將向政府建議，把上址改為避車處，並擺放小花盆以改善。
東區民政事務處發言人表示，政府於九四年應東區區議員之要求放置花盆，以美化環境，放置花盆之地方位於行人路範圍以外，並沒有阻礙行人。至於該處非法擺放雜物問題，發言人指該處曾要求相關部門加強清潔及執法，並會繼續跟進。