港大近日喜事連連，不斷接到捐助支持，由何耀棣捐助成立的「何耀棣服務學習計劃——家庭價值」，昨日舉行啟動儀式，何生並與校長徐立之一起主持儀式，校友金刀梁（梁智鴻）則以安老事務委員會主席及家庭議會委員身份擔任講者。
講到家庭價值，有兒有女兼有孫的金刀梁表示現在時代不同，教育兒女不能如他父輩般，高高在上咁教，要着重彼此互動溝通，因此這位「前衞」爸爸同仔女們都冇代溝︰「我當佢哋好似朋友咁，唔會用嚴父高高在上嘅方式教佢哋，會同佢哋一齊玩、一齊做功課，大家着重溝通。」佢冇半點架子，仲講笑話自己喺家裏冇地位︰「屋企個個都係我波士，我喺屋企最無地位！」
對於戒用「教」字，徐校長亦都好同意。講起尋日係雷曼爆煲一周年，近日屢獲捐助嘅港大，似乎未受到海嘯影響，徐校長都慶幸喺金融海嘯下無損熱心人士對港大嘅捐助，佢喺感激各界支持之餘，仲透露話捐助陸續有來。