08/09/2009

播放本新聞相關短片

政情：任總預測經濟VL形復甦

財政司司長曾俊華同財經事務及庫務局局長陳家強，近日誇口斷言全球金融海嘯已經結束，香港經濟已見到曙光，被海內外財經界人士齊轟佢哋過分樂觀。金管局總裁任志剛尋日接受電視訪問時，就再次同港府財金官員唱反調，話香港經濟肯定唔會V形反彈，最多只會先彈一彈，然後再重新跌一跌，喺低位徘徊一段長時間先復甦，好似一個V字加L字咁。