家吓潮流興Crossover，唔單止衣着同飲食，連文化都一樣。袋巾傑尋日同黨友陳淑莊（Tanya）一齊見記者，本來佢哋兩個分開舉行，但咁啱都約埋同日同時，索性一齊搞開心啲嘛，Tanya自爆佢有份參演嘅舞台劇九月中就公演，但到依家連劇本都未有，搞到佢呢位演員幾閉翳。跟住佢又燒埋袋巾傑嗰疊，話袋巾傑將會處女表演唱粵曲，仲要係用英文唱添。
身為華仁仔嘅袋巾傑笑笑口解釋，港島華仁嚟緊會籌款興建新禮堂，袋巾傑雖然係九華出身，佢都會出吓力，參演華仁戲劇社搞嘅《鴉雀如何作鳳凰》劇目，只不過會換上英文歌詞。雖然今次袋巾傑唔係做男主角，但仍然傾力演出，單係化妝都要成三個鐘頭，但為母校出力無計啦，認真唔話得！今次籌款由同樣係九華舊生嘅馬會主席陳祖澤孭飛，袋巾傑話陳祖澤雖然無參與演出，但就會打點一切喎！
| 人人做記者 爆料方法 : | 爆料熱線： | (852) 3600 3600 | 電 郵： | news@opg.com.hk | 網上爆料 |
| 傳 真： | (852) 3600 8800 | 手機網站： | m.on.cc | ||
| SMS： | (852) 6500 6500 | MMS： | ireport@on.cc |