民政事務總署監管地區小型工程不力，致民怨沸騰。大角咀鐵樹街休憩處一項逾百萬元的改善工程，原定九個月內竣工，惟因進度緩慢，花上九個月只完成首期工程，街坊大半年來面對一幅爛地，即使「有櫈都冇得坐」。議員與學者直斥民政署對外判承建商監工不力，改善環境不成，反而影響民生。
大角咀鐵樹街休憩處風涼水冷，平日吸引不少街坊聚腳納涼聊天，近七十張座椅由早到晚均座無虛席。不過，自從民政署於去年十二月封閉半個休憩處開展工程後，街坊便日日「爭櫈坐」，吳小姐說：「起個亭、鋪吓地，搞咗八個月都仲係爛地！成日都唔見有人開工，冇咗一半櫈，啲街坊唔爭邊有位坐！」吳指按目前眼見的規劃，估計工程完成後，供市民使用的座椅數目將會大減，擔心「爭櫈坐」情況將持續。
花逾百萬 民怨沸騰
「好多街坊投訴話公園仔整極都未整好！個工程成百幾萬，一個咁細地方嚟講真係幾貴，仲要咁慢，簡直貴夾好渣！」油尖旺區議員陳文佑稱，曾向民政署反映工程緩慢，但未獲回應，「可能部門覺得百幾萬係細工程，唔緊要啦！」
立法會民政事務委員會委員張國柱直斥民政署監工不力，認為當局倘缺乏專業人士監工，應向其他部門尋求協助，「有冇人開工用眼都睇到，到工程尾段先發現延誤，即係監工不力！罰錢亦解決唔到問題，始終補償唔到街坊冇得用休憩公園嘅損失！」
民政事務總署發言人指出，上述休憩處面積約為三百七十四平方米，改善工程費為一百三十萬元，將加設避雨亭、花槽及照明系統，原定今年九月底竣工，由於首期工程延誤，預計今年第三季始可重新開放予市民使用；至於第二期工程則需延至年底前才能完成。發言人又說，如承建商未能如期完工，將按合約條款徵收罰款及考慮將其評級降級。自工程展開後曾接獲一宗涉及地盤積水引起蚊患投訴，而座椅數目亦因應設計由約七十張減少至約五十張。
程序官僚 拖垮進度
不過，香港理工大學土木及結構工程系副教授林少書認為，上述事件反映民政署對外判工程監管過於寬鬆，致工程延誤，並對第二期工程可於三個月內完成的可行性深表質疑，「其實個工程唔算複雜，有乜理由拖咁耐？編排得好幾星期都做得完！民政署可能冇專業工程人員，又睇得唔緊，加上程序官僚，結果咪搞咁耐囉！」
■記者 吳琰玲