不愛靚仔
唔少女仔選擇對象時，都會先睇吓男人嘅外表係咪啱自己心水，最好梗係高大威猛、有型有款嗰種，之不過凡事總有例外，好似現於澳門天×夜總會工作嘅Vivi，反而覺得靚仔唔啱佢胃口，點解會有呢種諗法呢？
Vivi解釋：「身邊好多姊妹溝仔時只會留意對方嘅外表，見到靚仔就會主動黐埋去，其實咁做真係好危險，事關佢哋根本未清楚對方嘅為人，萬一遇上情場騙子，到時真係喊都無謂。無可否認，面對靚仔嗰陣，難免有心跳嘅感覺，但我通常好快就會冷靜落嚟，事關我明白到，呢類型男人身邊一定會有好多狂風浪蝶，當你一日做佢身邊嘅女人，一日都需要擔心有其他女人黐埋佢度。更何況女人係一種好容易有妒忌心嘅動物，若然見到佢同其他女人一齊，就算明知佢哋冇嘢，但難免有種心痛嘅感覺。唔係話所有靚仔都係情場騙子，之不過佢哋本身條件咁好，選擇眾多，有時留得住個人，都未必可以留住佢個心。」
Vivi又話，為免夜長夢多，倒不如揀一個樣貌普通，但肯全心全意對佢好嘅男人做男友，至少相處起嚟都會舒服得多。
注重床技
另一位索女東東覺得有經濟能力嘅男人，確實能夠畀到女人一分安全感，之不過床技亦非常重要。東東話：「曾遇過唔少有錢仔，或者係我天生比較大食，所以根本冇一個人可以喺床上面滿足到我，就好似前度男友咁，家境非常富裕，揸靚車住半山，仲有遊艇，對於我呢亭唔係見慣世面嘅女仔嚟講，真係幾誇張㗎！無錯，佢絕對可以滿足我物質上嘅欲望，只可惜佢嘅性能力就比較遜色，好多時未夠五分鐘就完事，搞到人哋到喉唔到肺，前奏工夫又鬼咁單調，最主要係佢嘅做愛招式永遠都係獨沽一味，想轉吓姿勢，佢又話接受唔到，真係畀佢悶死。所以日後就算搵到個合眼緣嘅男人，我一定會先撩佢交手，睇吓可唔可以滿足到我先考慮同佢一齊。」
其實東東呢種諗法都好正常，事關床技好嘅男人，的確可以令女人留下一個好印象㗎！
零舍投入
總括嚟講，兩位索女對於床技出色嘅男士零舍有好感，甚至唔介意同佢哋維持有性無愛嘅關係，認真夠大方。Vivi話：「以前識得一個三十多歲嘅男人，大家交過手之後，發現佢不但前奏功夫好，入正題嗰陣仲好有功架，而且耐力十足，根本唔會畀我有喘息嘅空間，就算完事之後我都冇辦法將心情平復落嚟，雖然我哋冇拍拖，但係一直保持超友誼嘅關係，間中仲會相約出嚟打番場友誼波㗎！」
至於東東就話：「當遇上戰鬥力強嘅男人時，通常我會表現得特別投入，事關只有佢哋先至可以令我真正感受到性愛嘅樂趣。」講咗咁耐，相信大家都會清楚點解兩位索女特別鍾愛床技好嘅男士，想做佢哋男友？記得喺床上面落力啲喇！
東東小檔案
年齡：20歲
三圍：32、23、33
嗜好：買內衣褲
強項：跳艷舞
Vivi小檔案
年齡：21歲
三圍：33、24、34
嗜好：真空上陣
強項：降龍伏虎
撰文：娟娟
攝影：強