02/09/2009

播放本新聞相關短片

政情:卡片風波蘇錦樑仲要死撐

上任一年多以來屢次撞板嘅商務及經濟發展局副局長蘇錦樑(Greg),近日接受報章訪問重談卡片風波,佢一方面承認自己嘅做法抵鬧,從事件中學懂為官者必須慎言,但另一方面佢又繼續為事件辯護,話本身做律師嘅佢,當時只係從法律觀點同律師證供方面去諗,利用張卡片同證明自己職位及薪酬嘅新聞稿串埋一齊。好心阿Greg就咪再死撐喇!市民用咁多血汗錢請你,就係要你從政治角度考慮問題,而唔係請你做律師提供法律意見,佢再死撐,證明佢仲未真係學懂乜嘢叫做慎言。