網上揀女

早前外國成人網站進行咗一項網上調查，發現大多適婚年齡嘅男士都好想結婚，之不過一諗到從此要畀老婆看管就即時大叫怕怕。如果想娶老婆又唔想被看管一世嘅話，都唔係冇辦法，不妨搵出租新娘幫手啦！

於美國達拉斯，當地有一間應召公司專門提供各類型嘅色情服務，好似呢期佢哋就搞咗個出租新娘計劃。

負責人阿當斯表示：「好多女人都希望一嘗行婚禮嘅滋味，其實男人亦都一樣，但又怕結婚後一生受困。我哋呢項服務正好迎合到佢哋嘅需要，客人可以透過網站所提供嘅資料，挑選合心水嘅出租新娘、花車、結婚形式及場地，我哋甚至會安排臨時演員扮演你嘅親友，當整個婚禮完畢之後，客人享受完結婚嘅滋味後，可以即時選擇同出租新娘分開，雙方各走各路，毋須承擔婚後種種責任。當然大家亦可以選擇留多陣，去到我哋預訂嘅酒店與『新娘』洞房花燭，享受美女嘅貼心服務。」

據了解，幫襯呢項騎呢服務嘅客人，主要為三十至五十歲嘅單身男士，佢哋多數為知識分子，部分更擁有高薪厚職。

自選玩法

據知，外國嘅應召公司不嬲都好鍾意搞花臣以作招徠，好似呢個出租新娘服務咁，以往亦曾出現過，但係橋唔怕舊，最緊要受啫！何況對於玩家嚟講，吓吓擺明去召妓，難免欠缺新鮮感，所以呢亭噱頭玩意，可以話唔少得㗎！

想嘗試做新郎哥滋味嘅話，就需要打電話或於應召公司嘅網站內進行登記，以及辦理入會手續，之後工作人員先會提供一堆囡囡嘅照片畀客人揀選。基本上，所提供嘅美女種類繁多，無論高矮肥瘦都有，但質素如何，咁就因人而異喇！

而婚禮形式亦可自由選擇，好似美、英、法、意式，甚至係日式嘅酒會、自助餐都悉隨尊便，最過癮就係呢度連假扮親友嘅演員都有得提供，選男選女都係自己話晒事，而且人數不限，當然人數愈多費用就會愈昂貴啦！當一切準備就緒，客人即可安心等待婚期。負責人阿當斯笑住咁話：「大家可以放心，呢個婚禮一定唔會有人反對，而且保證熱鬧好玩！」

假戲真做

到大婚當日，應召公司就會安排花車接載「新郎」及「新娘」去行禮，但地方並唔係真正嘅教堂，而係一個布置得美輪美奐嘅禮堂。當接受過一眾親友嘅祝賀又食埋蛋糕之後，玩新娘環節就會正式開始。

為咗令新郎玩得更高興，工作人員唔會限制一對「新人」所做嘅一切，就算剝光豬咁玩都無任歡迎，乘機抽水亦絕對冇問題！狂歡一輪，若然客人願意付出肉金，就可以同「老婆」去酒店洞房。有享受過服務嘅朋友表示，呢位出租新娘嘅床上表現相當溫柔，而且服侍周到，當正對方係自己老公一樣咁對待，並唔似一眾應召女郎咁，上到床即飛擒大咬，好似趕住收工咁款。據了解，呢個出租新娘服務嘅收費相當昂貴，之不過人一世物一世，亦可以嘗試一下結婚滋味，過癮吓都無妨嘅。

撰文：娟娟