工聯會呢個集思會，理事長吳秋北不在列，事關正式嚟講，今次係新成立嘅政務委員會首次離岸開會，一行十幾人，有會長鄭耀棠、立法會黨團召集人黃國健、「嫻姐」陳婉嫻，同埋幾位立法會議員和部分地區骨幹成員。政務委員會係一部選舉機器，北上腦震盪，二○一一年區議會選舉相信係主菜之一，另外又會總結過去一年立法會嘅形勢同運作，同埋思考未來路向咁，咁多議題，無兩、三日都傾唔晒。

工聯捨近取遠，跑到北京開路向營，消息話，因為有地區骨幹想了解國情，所以，工聯搵咗啲相關人士為大家「補課」，強調今次係工聯活動，性質與以往會見領導人嘅訪京團唔同，外界毋須揣測太多。