阿基呢趟旅程去咗四山三鎮，四山係廬山、三清山、龍虎山同井崗山，三鎮就包括婺源、南昌同景德鎮。井崗山係一九二七年毛澤東發起農村革命嘅根據地，而廬山更加係毛澤東喺五九年打低彭德懷嘅地方。阿基話井崗山上毛澤東嘅居所、廬山會議嘅會議室呢啲景點仲保存得好好，所以睇到唔少歷史資料。

阿基帶埋囝囝參觀都咁多歷史景點，莫非想幫囝囝上番堂國民教育課？佢就話呢次旅行有六成時間係行山，猛話唔好將個旅程同政治扣埋一齊，其實參觀吓呢啲歷史名勝都幾好吖，所謂讀萬卷書不如行萬里路嘛！