廠商會換屆在即，會長之爭成年尾重頭戲。副會長黃友嘉及會董呂明華都明言參選，二人勢成水火。雖然黃友嘉獲會內重量級元老力撐，但呂明華死唔認輸，尋日趁廠商會七十五周年誌慶記者會，大爆黃友嘉曾入院，似乎暗示對手身體欠佳，唔適合做會長。
呂明華年前同林大輝拗手瓜爭奪立法會議席失敗後，改為
實會長個位。尋日佢主動宣布已經爭取到會內逾五成支持，勝算至少有「五五波」喎。
黃友嘉尋日唔在場，但呂明華唔放過機會暗寸對方話：「我雖然已七十歲，但身體好似五十幾歲咁，又無心臟病……」無端講起心臟病三個字，唔通佢想暗示黃友嘉有心臟病？呂明華欲言又止話：「佢兩年前入院住過十幾日，係咪心臟病我就唔知嘞。」
直至截稿前，我哋仍未能聯絡黃友嘉。立法會廠商會代表林大輝就話：「嘩，我就唔會講人哋私隱嘞，我覺得黃友嘉精神爽利，就連頭暈、感冒都少有。」查實就算黃友嘉曾入院「維修」亦係小事，試問邊位仁兄無病痛呢？