情慾主題

不少音樂節都以瘋狂著名，例如美國嘅胡士托音樂節，搖滾音樂加上狂野嘅現場氣氛，令不少人玩得如癡如醉。雖然呢個名為「Ultra Exotic Music Fair」嘅音樂節，論名氣及狂熱程度及唔上胡士托音樂節，但講到情慾環節卻有過之而無不及。

其實呢個音樂節只係第二屆舉行，但卻能吸引到超過二千名玩家入場，參加呢個與別不同嘅音樂節。皆因呢個音樂節有個另類主題，就係以情慾為主。大會負責人Aana解釋，佢哋之所以舉辦呢個情慾音樂節，目的在於讓人們有個自我放縱嘅機會。Aana表示：「一般嘅音樂節，雖然都有讓人瘋狂嘅元素，但礙於各種問題，主題唔可能太過出位之餘，大家亦唔能夠玩得太激，因此令人有種到喉唔到肺嘅感覺。」

就係喺呢個背景下，Aana同一班志同道合嘅朋友，便舉辦一個純粹以情慾為主題嘅音樂節，讓想盡情瘋狂及放縱嘅玩家能夠趁呢個機會，釋放自己。Aana笑道：「講到放縱情慾，相信冇邊個音樂節能夠及得上我哋！」

狂放演出

呢個為期一日兩夜嘅音樂節，不但吸引一眾想大膽放縱自己嘅玩家到場，更吸引到一班極度出位嘅歌手、樂隊及表演者等出席，而大家亦各盡所能，目的只求將現場氣氛推上高峰！歌手及樂隊除咗大唱露骨嘅情慾歌曲外，更以大膽嘅裝束及動作喺台上演出。激烈嘅音樂加上惹人遐想嘅動作，唔單止令現場觀眾睇得如癡如醉，更令人有血脈沸騰嘅感覺。

此外，音樂節更請嚟艷舞女郎現場表演助興，性感及誘人嘅舞姿固然係表演嘅重點，而佢哋跳得性起嘅時候，更會喺台上嚟個自我解放，甚至表演真人騷，以迎合情慾嘅主題。有時艷舞女郎會走入觀眾中，同佢哋大跳火辣舞蹈，一齊享受狂野嘅氣氛，更引嚟現場嘅哄動！

如果冇現場觀眾嘅配合，單係演出梗係唔能夠將現場氣氛推至高峰啦！事實上，每個參加呢個音樂節嘅玩家，個個都係抱住同一個目的而嚟，就係釋放自己嘅慾望，所以玩家玩得特別癲，而且玩得相當投入，尤其係當中嘅女玩家，更以性感無比嘅衣着，嚟力撐呢個情慾音樂節！

大膽放縱

想知道玩家們如何體現情慾呢個主題，當然要問吓曾經去過音樂節嘅玩家。玩家Edmond就話：「我哋以為喺呢種情慾元素為主嘅音樂節中，男玩家會玩得興奮啲，點知去到至發覺，女玩家竟然比我哋玩得更為瘋狂！話說我同大家一齊喺度載歌載舞之際，點知後面突然有個女仔撲埋嚟，然後喺度狂扯我件衫。見到佢咁狂野，喺受到音樂刺激下嘅我，梗係要積極配合。二話不說就同佢激吻起嚟，而身體更係緊緊地糾纏喺一齊，不知幾咁過癮！」唔好以為Edmond玩得激，據Edmond透露，有啲行為更為大膽嘅玩家，更喺會場嘅一角，就地同異性肉搏，一啲都冇理旁人嘅目光之餘，有人更喺旁邊拍手助興，確係極度放縱！

雖然呢個音樂節玩得夠晒激，但唔係每個人都可以參加，事關大會為咗保安問題，暫時只係招待會員，有興趣嘅玩家相信仲要等吓，先至有機會參加呢個如此特別嘅音樂節。

撰文：阿豪