粉嶺祥華邨為租者置其屋計劃下屋邨之一，居民黃先生發現，祥德樓旁一棵數十呎高的大樹早前遭颱風吹倒，現僅靠旁邊另一大樹支撐，但管理公司只架起圍欄，遲遲未移除大樹，「房署話唔關佢事，管理公司又唔肯做嘢，棵樹如果頂唔住冧落嚟傷到人，邊個負責？」
公屋聯會主席王坤批評房屋署推卸責任，當年推出租置屋計劃只為將公屋「包袱」合法地捨棄，令居民變成「孤兒仔」，「（棵樹）冧咗成個星期都冇人清走，真係好危險，房署應派人清理先，事後再同管理公司計數！」
祥華邨管理公司發言人表示，鑑於安排承辦商報價需時，以致至今仍未清走倒塌大樹。發言人承諾，待完成所有程序後，會即時安排承辦商移除大樹。
