昨晨快餐店內幾乎座無虛席，人頭湧湧，三名綽號「光頭」、「大雄」及「細榮」的匪徒，鎮定地隱沒在食客堆中歎早餐。三人輪流透過櫥窗望出街，監視目標蹤影，惟各人不知已經被多名探員包圍反跟蹤。

據目擊者形容，該班匪徒吃罷早餐後，其中兩人走出舖外十米，齊在街頭吞雲吐霧，未幾傳來「嘭」一聲異響，不少食客張頭追看，發覺兩人已被十多名探員按倒在地上。有食客起初以為有人打架，議論紛紛，惟留在店內的另一名染金髮賊匪卻只顧着閱讀報紙，結果束手就擒。

「嗰時突然間傳出咁大聲，個個都望出去睇吓發生咩事，先至知係差人做嘢！」該食客笑說：「剩低嗰個賊都唔知出咗事，佢兩個同黨喺出面畀差人拉咗，自己仲掛住喺度睇份報紙風月版，唔使半分鐘又畀差人入嚟拉埋，真係懵盛盛！」