元朗朗屏邨為租者置其屋計劃轄下屋邨之一，租戶維修應由房屋署負責，但「歎慢板」式處理遭詬病。鳳屏樓居民何先生去年發現，上層租戶改動露台及廚房固定位置後，再為洗手間裝修，自此其單位天花便出現滲漏，「樓上一有人沖涼，我個天花就會滲水，同房署投訴，佢竟話『未能與樓上住戶聯絡』，就不了了之！」
當區區議員黃偉賢表示，據悉外判管理公司維修人手不足，致不時出現「睇都睇唔切」情況，「好多維修根本唔使拖咁耐，只要房署肯請番多啲人做維修，問題自然得到解決。」
受聘於房署的朗屏邨租戶服務辦事處發言人稱，由於有關個案中的上層住戶經常離港，致未能聯絡戶主，聯絡租戶後已安排維修。
