梁伯患有小腸氣逾十年，去年病情惡化，經私家醫生轉介往威院求醫，獲轉介專科接受治療，並獲安排於威院進行全身麻醉手術，其後卻改為在雅麗氏何妙齡那打素醫院，「我哋唔知兩間醫院有咩分別？後嚟先知那打素冇得留院。」梁先生擔心老父接受全身麻醉手術後即時出院會有危險，要求返回威院治理，未料卻獲覆「返嚟（威院）要再排過期，等五年唔定，十年又唔定」，令梁為之氣結。
自從獲悉需重新排期後，梁伯過度憂心，一度出現抑鬱病徵，家人為此擔心不已。梁先生十分不滿地說：「佢哋（威院）應該一早話畀我哋知兩間醫院有咩分別，等我哋自己衡量。之前已經排咗超過一年，從頭排過咪好唔公平？」但是經本報轉介後，威院竟迅即安排梁伯於八日後接受手術，留院三天後出院。
全民健康動力主席勞永樂直指問題在於溝通不足，「一開始講畀病人知有兩個方案，清楚講明有咩分別，咁就可減少爭拗。」勞估計醫護人員或礙於工作繁忙，為省時而「講一啲、唔講一啲」，遭病人投訴後需更多時間處理，結果得不償失。
麻醉藥未散出院危險
「當腹內嘅壓力增加，就會將腸臟推咗出嚟，如果啲腸箍得太緊，就會有腸壞死或腹膜炎。」腸胃科專科醫生徐幼葵指，男性患小腸氣的常見原因包括前列腺脹大、長期用力咳嗽及便秘等。至於手術風險，徐醫生指基於安全理由，經全身麻醉手術後，病人一般需留院待麻醉藥完全消散，如未完全清醒便出院，將因自理能力未曾恢復而易生危險。
新界東醫院聯網發言人否認事件涉及任何疏忽，並指醫生曾向病人講解有關局部或半身麻醉手術方案，後因應梁伯病情，威院已安排病人入院做手術，並會繼續跟進。
梁伯求診過程
日期 事件
08年3月 梁伯因小腸氣向威院求醫，獲轉介專科診治。
09年1月 威院專科醫生建議於威院接受全身麻醉手術。
09年2月 梁伯答覆接受手術，醫生改稱手術安排於6月進行，但地點則為大埔那打素。
09年6月初 那打素醫生指梁伯將接受全身麻醉手術，但手術後不能留院。
09年6月中 梁伯家人要求安排在威院接受手術及留院，獲覆需重新排期。
09年6月21日 經本報轉介後，梁伯迅即獲安排於8日後（29日）在威院接受手術。
記者 莫麗珊