周永健個乖仔Justin現時在英國倫敦大學攻讀法律系，一年都有兩至三次返香港與父母重聚，今個暑假周永健就計劃同太太胡慕芳帶Justin去歐洲玩一趟，除咗一家人開開心心外，主要目的係想Justin陪多啲媽咪。歐洲旅程完結後，Justin就會自行搭飛機返英國繼續學業，原來Justin十歲時，已經懂得自己搭飛機到英國讀書。

周永健話，之所以咁放心讓Justin一個人去到咁遠讀書，係希望個仔學識獨立，但呢個年代搭飛機比起以前方便好多，事關佢去外國讀書嗰個年代，飛機經常都會延誤，個袋又無錢，好多問題要自行解決。