老朽奇而問之：為何不是非常香港？答曰：香港冇藍天好耐，星空，即使有，都非常黯淡！有點道理，如今個印傭用經血煲湯畀主人飲，話「咁樣可以令佢更加親切，同埋少啲挑剔我」喎！明白，即係話啲經血煲湯可以蠱惑人心，變成：經血，非常星空，令人充滿疑惑和想像，肯定唔係控罪所指「毒藥、有害或殘害性物品」，最多當佢係豬紅，煲滾咗，口水鼻涕豬流感菌都冇事，飲啦，主人！

法律很多時就係咁玄、咁鬼星空，所以有錢人特別鍾意打官司，特別鍾意尋求司法覆核，唔恨錢嘅又可以大陣仗請一棚大律師去爭錢，無錢嘅如老朽活在香港，日日可以感受到希臘嘅星空非常之玄惑詭秘！

朋友又問：美國建國二百多年，每年都要制訂水蛇春咁長嘅法律，法律多到連專家都搞唔清，能解決問題嗎？如果能解決問題，美國為甚麼還有那麼多律師？好似辛普森呢位美式足球明星當年明明有鐵證證明係佢殺妻，但係在律師的打點下竟然無罪，你話法律真係咁神奇，死都拗翻生！睇嚟法律又非常之魔幻，不！非常之天堂！

老朽不勝其煩，心想：咁多嘢講，你轉行做律師啦！說不定老朽有日榮升「老公豬」而不是「衰公豬」，有產爭時用得着你啊！老朽畀佢煩死，腦震盪下，記起睇過一則內地多年前的剪報，話成都一家著名羊肉店被食客發現員工在廁所的尿槽裏洗羊肉，其後，該店附近的羊肉館紛紛貼出「尿槽洗羊肉非本店所為」。

老朽忽發奇想：不如開間印傭介紹所，特色係佢哋都係收咗經嘅，總之，「友朋介紹，安心聘用」，咁就可以避開「全港外傭僱主大災難」喇！