馬太何解今次會撇甩肥亨，同細女過二人世界呢？皆因大女露明最近創立教育中心JEMS，仲身體力行出任校長兼老師。露明嘅學校啱啱成立，加上暑期係招生好時機，又點會行得開去旅行？愛女心切嘅肥亨就話一於等到聖誕節囡囡得閒啲先舉家旅行。

馬太仲話，除咗大女唔得閒，肥亨今個暑期一樣行唔開。肥亨雖則話無官一身輕，但佢最近獲中國投資公司委任為國際諮詢委員會顧問，而且做緊港大經濟金融學院榮譽教授，要趁暑假準備教材，加上佢不時要出席公益同時事活動，時間表排到密麻麻，所以四人行最終變成二人行。

話老公身體fit唔使擔心

肥亨當年因為患上腦部混合動靜脈畸形症，因為怕工作量多兼壓力大會影響病情，所以先至急急辭官，依家佢又孭咁多嘢上身，會唔會令病情惡化㗎？馬太笑言：「佢都唔知幾fit，唔使擔心。」佢話，肥亨做局長嗰時返工放工有固定時間，而且工作量大，時間好難由自己控制，但依家係自由身，幾時休息、幾時工作完全自己話事，所以可以keep住做運動養生。

卓妮