阿Paul日前拖埋囝囝去香港會食晏，James電了個爆炸頭，同爸爸個陸軍裝頭相映成趣。十九歲嘅James甚有爸爸嘅影子，讀書同樣醒到爆，依家喺英國牛津大學修讀法律系一年級，趁暑期返港做暑期工，希望吸取經驗，唔係等錢開飯。其實James讀中六時已畀爸爸安排去國際級律師樓做實習生，等佢及早接觸呢個行頭。囝囝一心做大狀唔恨做會計師，阿Paul話唔介意，等仔女自由發展。

James嘅暑期活動夠晒多姿多采，返個幾月暑期工後，會同爸爸飛去意大利旅行，玩餐飽後再返英國讀書。阿Paul笑言趁囝囝未有女友，陪佢玩多啲，遲啲想搵囝囝一齊去玩都難喎！