食物環境衞生署主責潔淨工作，轄下熟食中心卻被指地面長期濕滑，更連累食客受傷。鄧先生及鄭先生早前分別光顧深水埗北河街街市內的熟食中心，擬離開時不約而同因地面濕滑而跣倒，其中鄭更因此須留院接受治療，「佢哋（食肆）就咁將啲水倒出嚟（舖前），好明顯係習慣咗咁做，即係冇管理啦！」
當區區議員劉佩玉坦言亦曾於上址險被滑倒，相信與地面本身清潔欠善、積滿污垢，令本來凹凸地方變得平滑所致，「食環署真係要加強監察，冇理由自己嗰瓣都做唔好！」
食環署及警方發言人均證實，五月底曾發生市民跣倒事件，街市管理承辦商已即時處理及將傷者送院治理。食環署發言人指接獲鄭氏投訴後已再作調查，但認為熟食中心地面清潔及乾爽，承諾繼續留意上述情況。