上庭飽滿少年得志

額頭乃係面相之中最重要嘅環節，事關頭為人之首，額頭生得好與壞，首當其衝影響到一個人嘅運勢。另外，額頭亦可以透視出一個人15至30歲時期嘅運勢，若然生得靚，少年時候已經發咗達，咁下半世人都容易過好多啦！至於點先算生得靚，容易於少年時期名成利就呢？首先，額頭不能夠太低太窄，要開闊兼且飽滿，因為額頭正中央為官祿宮位置，飽滿表示此人年少得財，亦可以闖出一番事業。

由於福德宮位於額頭兩則近太陽穴位置，而額頭開闊，則表示福德宮亦生得較平順，所以年少時有貴人幫助，好後生已經獨當一面！最佳例子就係日本人氣女優Rio喇！呢位混血兒女優近年人氣急升，成為AV迷熱捧對象，冇辦法啦！Rio樣子標緻又可愛，身材嬌小玲瓏，係人見到都想攬吓佢錫吓佢，睇見佢溫柔咁服侍男優，繼而被男優強攻至呵氣連連，絕對係一種至高享受！大家留意一下Rio嘅面相，同樣可以發現Rio額頭飽滿又夠開闊，所以年少時已經有運行，亦令現年只係22歲嘅Rio咁後生就成為AV界小天后，早前更獲邀進軍電影界，財路廣咗，一定唔愁搵錢，做佢老公肯定唔使憂喇！

中庭靚旺夫聚財

中庭包括眼、鼻、顴。眼為靈魂之窗，一個人嘅眼神亦可以顯示出其人是否有決心做事，若然雙目呆滯，做事一定冇決心兼冇恒心，想成功都難。相反，雙眼炯炯有神，則做事落力，如果眼珠同眼白黑白分眼就更加事事如意，做事無往而不利。

就好似巨乳天后麻美由真咁，剛滿十八歲就殺入AV界，憑住一對驕人37H巨乳以及落力拚搏嘅工作態度，只係用咗兩年時間就成功坐上巨乳界一姐寶座，可想而知麻美做事幾有決心兼順境，如果做到佢老公，阿妹一定可以帶埋老公齊齊開創一番事業添！

另一方面，麻美仲生得一副旺夫相！先睇麻美鼻頭，其鼻頭有肉，代表佢冇機心之外，女性嘅鼻亦可顯示出夫運，鼻頭有肉又豐滿表示可以助旺夫運，令老公嘅事業一帆風順。再睇顴骨位置亦係多肉又豐滿，說明夫運暢旺，做佢老公實有運行。提多一句，若然係顴骨太過尖太過凸，骨感太重則為尅夫相，要娶呢種女人除非你天生命硬啦！

下庭好善長交際

下庭位置則要唇色紅潤、臉形圓滑。嘴唇主要講一個人嘅福分、情感同埋說話溝通能力，最好口唇就係要紅潤，唇色粉紅，表示身體健康，心態正常，大富之家，日日食燕窩魚翅，正常唇色都應該紅潤，但只係紅冇用，仲要潤，而潤就係要唇飽滿有力，如果嘴唇圓潤，就係表示說話能力強，啲有錢人屋企，工人司機最少都四五個，如果老闆娘把口唔掂冇領導才能，個家實亂晒大龍。唇色紅潤者人際溝通亦好圓滑，唔會得罪人，所以啲出色嘅濶太，經常陪同丈夫出沒上流社會社交應酬，為老公打通人際脈絡。

至於面形方面，不宜太尖削，就算年輕時瓜子口面，但到晚年，就要有飽滿嘅面形，特別係下巴位置，最宜飽滿豐厚，再有埋個兜兜哋嘅下巴，咁就真係發到晚年，一世無憂。好似天后吉澤明步咁，唇紅齒白，表示佢身體健康兼夾口才好，所以吹奏功夫高超，而面圓圓嘅明步晚年一樣有運行，做佢老公一定晚年無憂喇！

撰文：祖