指研究工作比估計複雜

就喺立法會抖暑休會前夕，商務及經濟發展局前兩日向立法會提交文件，交代公共廣播服務檢討進展，喺一張半紙裏面嘅最後一段，唔起眼咁插咗呢一句：「研究工作現仍在進行中，而研究過程中亦出現很多檢討委員會當時未有涵蓋的課題，因此有關工作比原先估計更為複雜。」預告政府要用更長時間去研討檢討報告囉。

講穿咗，政府當年好大喜功，想借斬殺港台立威，但係出師不利，蹉跎歲月，到依家一嚟因為金融海嘯爆發，庫房空虛，冇閒錢安撫舊員工，二嚟煲呔曾政府弱勢，稍具爭議性嘅政策都收埋唔敢出台。港台前途問題當初好似燙手山芋咁出台，受壓後，政府直情將份諮詢文件擺埋一邊攤凍，博冇人理，依家擺明係想將呢份諮詢文件打包，放入雪櫃，作無限期冰封。