92年開始懷疑夫與龔有染

譚妙清說，她印象中首次見龔如心，是對方到訪其當時沙田濱景花園寓所，「佢上嚟我屋企坐吓傾吓偈，係得咁多」，但庭上無提及確實日期。九二年七月龔第二次到訪，陳振聰介紹時指龔是他「契女」，並着龔稱呼譚為「契媽」，「佢（龔）仲畀咗隻玉我」。華懋一方質疑譚「佢（龔）大你成廿七年，點解叫你做契媽，你有冇問丈夫點解？」譚稱「太耐冇印象」，對此稱呼亦無反應。

譚妙清又透露，九二年八月陳振聰安排她陪龔如心到北京，據知是商務旅程並拜見當地官員，譚坦言「往北京嘅行程係丈夫安排，本人唔想前往，因本人與nina唔認識」，自始譚留意到陳很多時間與龔一起，「尤其夜晚，花很多時間與她（龔）見面」。譚指，陳於九二年九月前已披露會夜訪龔如心，故她早已懷疑陳與龔有染，經過北京之旅更覺得「有大問題」，同年九月後，陳與龔一起變得更頻密。

陳振聰弟弟振國亦供稱，兄長曾於家庭聚會中透露與龔如心「傾得埋，好好傾」。他記得一家人用膳完後，曾聽到兄長接電話時暱稱對方「豬豬」，之後跑入房再傾，其後便匆匆趕到華懋。陳振國形容這種來電「常常發生」，即使他坐兄長車時，兄長接獲電話後，「叫我唔好出聲，要同nina傾一傾」。