樹木斷裂隨時塌下，但政府拖得就拖，漠視巿民安全。陳先生每日經過沙田圍舊村垃圾站，見該處一大樹斷裂多時，但一直未獲處理，「地政（處）一直都唔派人斬咗佢，食環署仲離譜，淨係掛塊牌叫人唔好拋垃圾，仲遮住個裂咗嘅位，啲人唔知有危險走埋去，隨時畀棵樹冧落嚟整親！」
沙田區區議員姚嘉俊直指地政總署及食物環境衞生署失職：「既然係政府地方上面有問題，地政有責任去巡查，唔係要等到有投訴先做嘢！而食環嘅員工亦冇安全意識，唔理有冇危險，就咁掛個牌上樹，好明顯係監管上出現問題！」
地政總署發言人表示接獲轉介後即時派員視察，發現樹幹斷裂後，已即時安排將大樹清理。食環署發言人則稱，接獲投訴後派員巡查，發現原本豎立在垃圾站外的「不可亂拋垃圾」警告牌鬆脫，斜靠在枯樹上，已即時移走該警告牌。