據陳振聰一方稱，陳方早前呈堂的錄音帶及錄影帶內容，龔如心生前除會稱呼陳「老公公」外，其他稱呼還包括「老公豬」、「心肝寶貝」和「老竇」等，而陳則會稱呼龔「珠珠」。

模仿陳舉動險飛脫假髮

龔家姐妹早前作供時，便形容陳振聰與龔如心是太監李蓮英與王太后的關係，華懋一方資深大律師駱應淦昨日便就「太監論」向陳查問，陳回應時直言，知道龔氏姐妹說甚麼，但他強調「我唔係真係太監！」駱應淦即時回應「呢個我都知！」

駱應淦亦披露陳振聰早前呈交法庭的錄影帶內容，有關片段是九三年六月廿八日晚上十一時至十二時拍下，片段中陳向正在試身的龔如心猛說讚美話逾四十次，包括「真係好靚嘅」，「好靚、好靚、好靚」、「呢套衫真係好靚啊」、「真係好靚，着呢套衫」、「你幾時都咁靚嘞，心肝寶貝」等。

駱即場抑揚頓挫模仿陳大讚龔「好靚」的舉動，期間動作太大，連大律師假髮也險飛脫，惹得哄堂大笑，陳振聰雖一臉尷尬及滿臉通紅，仍露出招牌笑容。駱質疑他：「呢啲係咪拍馬屁說話？」

陳振聰遂一面認真說：「我係真心講，我冇拍馬屁，我真係咁講，拍緊拖成日咁講㗎啦！」陳解釋，當時拍攝龔如心模仿清朝的人走路，「佢話件衫好得意，件衫類似清朝嘅衫」；陳又指，由於鏡頭正捕捉龔如心不斷轉身，「佢一路行緊，轉身，咁又靚，咁又靚，所以唔係拍馬屁」。陳更不忙補充資料說：「當時喺出面食完飯，返嚟影錄影帶，影完我哋就瞓。」

「王德輝返嚟，實同你打架」

駱又提到龔因心曾供稱見過龔如心晚上在起居室取出王德輝的鞋抹擦。陳振聰答道，「九二年中我晚晚喺嗰度，未見過王德輝啲鞋，佢（龔如心）啲鞋好多，佢從來都唔會抹鞋，可能係我幫佢抹」。陳解釋，龔因腳趾「成日嗌痛」，不能蹲低，故他會幫龔抹鞋。駱即揶揄說：「恕我刻薄啲講句，你同佢擦鞋？」

提到王德輝，陳振聰昨表明，他沒有向龔如心說過會替她找回失蹤的王德輝，又指龔如心向他說過，「王德輝返嚟，你就慘啦！王德輝實同你打架」。