鼻樑被撞骨裂

昨晨在面向海景房間熟睡的姓唐戶主，雖習慣船隻摩打聲響，仍被突如其來的「嘭」一聲巨響嚇醒，睜開雙眼，卻赫見右方的鋁窗移位，窗框飛脫在雙人床右邊，玻璃碎及牆身石屎四散，幸他慣睡左邊，不致被窗框砸斃，僅遭玻璃碎片濺傷左眼角，鼻樑骨出現輕微骨裂，逃過大難，送院初步治療後出院，再排期睇耳鼻喉專科。

唐笑稱：「我真係以為有恐怖襲擊，又好似拍戲咁有飛虎隊破窗入嚟捉犯，邊有人喺張床瞓緊覺會畀艘船撞倒？」他指七年前亦曾發生「翻版」意外，一艘運沙船連掃四樓及五樓共三個單位外牆，其細房一部冷氣機被撞歪，幸當時無人在家，肇事船公司其後給他賠償另一部冷氣機使用至今。

任酒樓廚師的唐住案發單位廿多年，是父親留下的自置物業，自父親移居美國後由他獨居。唐慨嘆：「今次要裝過晒啲窗，仲一定有陰影，我希望唔好再發生第三次啦！」他稍後會在另一間面向街景的細房睡，但不會變賣物業搬走。

本報記者