兩位仁兄尋日拍住上，出席立法會發展事務委員會特別會議，就第三期四川援建工程游說議員支持撥款，完會後兩個人前後腳步出會議室，門外嘅記者一見到林D9出嚟，即時追問佢係咪調任特首辦：「林局長，你做咗特首辦主任後，四川工作由邊個接手呀？」點知林D9聽完問題，諗都唔諗話：「冇啲咁嘅事！」然後匆匆離開。

緊接林D9步出會議室嘅Raymond被問到同一條問題時，就冇好似林D9咁一口否認，反而一路行一路笑笑口話：「我聽唔到，我聽唔到（條問題）！」單睇兩個當事人不同嘅反應，唔知算唔算已經分出勝負呢？