行人過路燈「唔識轉燈」？鑽石山上元街乃莫小姐每天上班必經之路，近日發現行人過路燈經常要等候近十分鐘才會轉燈，「成日等極都未轉綠公仔，但係又冇咩車，曾經懷疑過盞燈壞咗，甚至只係假嘅添！」記者實地視察期間亦發現有關過路燈須等上近九分鐘才會向行人「開綠燈」。
民間監察公共事業聯委會發言人蔡耀昌指出，即使在偏僻的馬路，過路燈轉燈時間最長也不過是四至五分鐘，若要等逾八分鐘則不能接受，「裝交通燈嘅原意係取代斑馬線，但如果用咗都要等咁耐，咁即係逼啲市民犯法，運輸署喺調校轉燈時間嗰度真係要嚴謹啲！」
運輸署發言人表示，已派員檢查有關行人過路燈，證實燈號及按鈕均運作正常，如市民再發現不轉燈情況，可聯絡1823政府熱線以便跟進。