歐先生入住華興樓二樓單位近四十年，察覺近年空氣流通情況每況愈下，「以前好涼爽，夏天都唔使開冷氣！自從呢幾年房署將啲公園仔改做貨倉、辦公室，又喺天井起咗個鹹水泵房，啲空氣便開始流通唔到，愈嚟愈熱！」
「整咗係咁就係咁，冇得改」
近日房署又再大興土木裝修新辦事處，歐先生發現有關辦事處外圍裝上密麻麻的冷氣架，按捺不住向房署查問，「足足有成廿幾個冷氣架，裝咁多部冷氣，第日啲熱氣攻晒上嚟，叫我哋點住呀？你哋就享受，我哋就難受！」歐指低層尤其二、三樓的居民對事件的反應最為激烈，可惜幾經爭取仍不得要領。
「咁多部冷氣，到時一定熱死啦，房署有冇諗過我哋？尊重過居民嘅意見？」同樣居於二樓的周太曾向房署職員反映，對方卻以「整咗係咁就係咁，冇得改」為由，拒絕受理。
理工大學機械工程學系工程師盧覺強直指，一般面積約二百五十平方呎辦公室只需一匹半冷氣機，即使逾六千平方呎亦約需合共四十多匹冷氣機，「如果有成廿幾部，個架又咁大，即係最少每部兩匹半，咁就差唔多有六十匹，太多喇！」盧指倘能適當使用冷氣機，並採取分體及中央冷氣系統，將可減少對附近居民造成影響。
議員斥離譜嘥錢唔環保
「廿幾部冷氣咁多，使唔使每個職員頭頂都裝一部，真係離晒譜！」立法會改善空氣質素小組委員會委員陳克勤狠批房署浪費公帑兼不環保。但為免浪費公帑，陳認為倘有關冷氣安裝已「米已成炊」，則不應再花公帑拆除，建議房署能自律地輪流開啟有需要使用的冷氣，以達環保與節約之效。
房署發言人表示，新建辦公室面積約有六百四十五平方米，將間成共二十多個辦公室、會議室及接待室供五十多名職員使用。囿於地形而需安裝二十多部獨立冷氣機，並強調一般只會在日間辦公時間使用。發言人又稱，經諮詢居民意見後，將修改冷氣機的分布，盡量減少對居民造成影響。
帶頭破壞環境惡性循環
對於房署「勁裝冷氣機」事件，綠色力量行政總幹事文志森直斥房署帶頭破壞地球環境，「廿幾部冷氣機一齊開，搞到多咗好多熱氣，居民覺得熱又會將部冷氣校大啲，嘥更多電，搞到發電廠釋出更多二氧化碳，地球就係咁不斷畀人破壞。」文指分體式冷氣機的主機可放置較遠離民居地方，並可同時在多個出風口釋出冷風，所排放的熱氣相對獨立排放熱氣的窗口式冷氣機為少，每日開啟時所需的用電量亦較窗口機為低，較符合環保原則。
記者 徐曉敏