店東：擺定多啲水同毛巾

案發的西洋菜南街及奶路臣街行人專區雖然不減人潮，市民卻對警方查案無進展感失望。其中林先生質疑：「點解查咗半年乜都查唔到？連狂徒動機都唔知！差人做嘢好慢！」其姓吳女友更笑稱：「行過都好驚，想用個袋遮住嚟行！」

現場一間麵舖的姓廖東主認為附近大廈欠管理如「無掩雞籠」，促當局加裝「天眼」監察，他驚呼：「旺角好危險！我以後會擺定多啲水同毛巾喺度，就算再發生可以畀途人沖身！」波鞋舖員工李先生亦頻稱：「個狂徒肯定會掟第四次！搞到我好驚！」涼茶舖職員「嬌姐」則慨嘆：「呢幾日都做唔到生意啦！」

此外，有自稱「香港威客」的網民在網上號召九名年齡廿二歲以上男士，連本身十人協助監察旺角範圍，務求在一個月內成功緝兇，平均瓜分九十萬元懸紅獎賞。另有網民揚言不敢到旺角，網友「大白兔」更嘲諷：「就算安裝『天眼』，似乎警方也無可奈何，狂徒此時正匿藏在某個地方恥笑警方的無能！」